邊食邊玩好過癮😆香港永年香港情懷「3 點 3・過三關下午茶」

沙田新城市廣場嘅香港永年 Hong Kong Wing Nin 推出香港情懷嘅 「3 點 3・過三關下午茶」😆九宮格造型木盒放滿港式街頭美食，一共 9 款鹹點同甜點，一次過滿足嚐鮮嘅需求，好適合心多多一族，每種食少少，但又唔會太多，仲舒舒服服坐喺度「掃街」不是夢😆 清爽生菜魚肉 魚肉口感唔會特別紮實，反而都幾滑嫩，湯底好重胡椒味，啲生菜吸咗啲湯都幾惹味～ 椒鹽炸燒賣 外皮帶點焦香，咬開入面軟軟糯糯，肉質帶焦香，加上椒鹽咸咸地，不錯！ 三色啫喱糖 係細個去飲茶都一定要嗌嘅彩色啫喱糖呢😆 以前係為咗把遮仔，如今遮仔已經變成旗仔😂啫喱糖Q彈爽口，食完嘴巴滿是甜甜嘅果香，係童年嘅味道💕 滑嫩混醬腸粉 腸粉熱辣辣，幾種醬料混合埋一齊嘅腸粉非常滑嫩，而且帶有淡淡米香。 紅豆西多士 紅豆控最愛，因為超爆多紅豆🤭 西多士外焦脆內軟糯香甜，試問有邊個會唔鐘意呢？ 冬蓉老婆餅 第1次咀嚼時好香甜好酥軟，第2次咀嚼清甜味味釋放咗出嚟，會食到冬瓜嘅甜潤，回味無窮～ 彈牙咖喱辣魚蛋 細個掃街拎住一串咖哩魚蛋，一啖一粒特別滋味，呢款魚蛋雖然細細粒，但咬落去魚肉好紮實，即使咖喱醬味道如此濃烈，都略嘗魚蛋之魚肉香味💯 魚肉煎釀三寶串 五顏六色嘅煎釀三寶油香十足，有豆卜、紅腸同青椒魚肉，表面稍為有啲焦黃，味道甘香可口！ 酥脆懷舊蝦多士 炸出咗一種類似油炸鬼嘅蓬鬆口感，蝦肉爽彈，配埋沙律醬好惹味👏 *下午茶附上趣味感十足嘅「O」及 「X」牙籤遊戲套裝，邊食邊玩好過癮嘅呢🤭 #沙田 #新城市廣場 #掃街 #茶餐廳 #燒賣 #hkfood #hkfoodie #hkfoodblogger #hkblog #hkfoodies #hkfoodblog #沙田好去處 #hkfoods #hkfoodig #hkfoodieblogger #香港永年 #hkfoodporn #hkfoodstagram #hkfoodpic #hkfoodshare #hkdessert #永年 #燒賣關注組 #hkfoodlover #hkfoodielife #shatinfood #hkfoodgram (此文章由U Blog 同步發佈至社群)